Xəbərlər

Bütün xəbərlər

Gömrük Akademiyasının əməkdaşları Türkiyədə keçirilən beynəlxalq konfransda iştirak ediblər
Türkiyənin Balıkesir Universitetində “İnzibati hüquq və inzibati yurisdiksiya”ya dair V beynəlxalq konfrans keçirilib. “Strateji sahə olan inzibati hüquqda kənd təsərrüfatı fəaliyyətləri və ətraf mühitin qorunması” mövzusunda keçirilən 2 günlük “ISALAJ-2025” konfransında Azərbaycan da daxil olmaqla Özbəkistanın, Qazaxıstanın və digər ölkələrin ali təhsil müəssisələrinin nümayəndələri ilə yanaşı Dövlət Gömrük Komitəsinin Akademiyasının “Hüquq və humanitar elmlər” kafedrasının müdiri Hakim Əzizov və “Gömrük işi və idarəetmə” kafedrasının müdiri Elvin Əlirzayev da iştirak ediblər. Konfransda Balıkesir Universitetinin rektoru prof. Yücel Oğurlu açılış nitqi ilə çıxış edərək Türkiyədən və xaricdən 9 universitetin qatıldığı konfransa ev sahibliyi etməkdən qürur duyduğunu bildirib. Konfransın açılışında Türkiyə Respublikasının Dövlət Şurasının sədri Zeki Yiğit, Balıkesir şəhərinin icra hakimi İsmayıl Ustaoğlu, müxtəlif ölkələrdən dəvət olunan professorlar, eləcə də Azərbaycan Respublikası Vəkillər Kollegiyası Akademiyasının rektoru, professor Əmir Əliyev çıxış ediblər. Dövlət Gömrük Komitəsinin Akademiyası ilə Balıkesir Universiteti arasındakı səmərəli əməkdaşlıq əlaqələrinin nəticəsi kimi ortaq təşkil edilən bu konfransda kafedra müdiri Hakim Əzizov “Kənd təsərrüfatı fəaliyyəti və ətraf mühitin qorunması: İnzibati hüquqi problemlər”, kafedra müdiri Elvin Əlirzayev isə “Ətraf mühitin qorunmasında gömrük siyasəti” mövzularında məruzə ilə çıxış ediblər. Sonda iştirakçılara “təqdimat və təşəkkür” sertifikatları təqdim olunub.

29.04.2025
DGKA-nın tələbəsi ingilis dili üzrə Beynəlxalq Olimpiadada uğur qazanıb
Dövlət Gömrük Komitəsinin Akademiyası Qazaxıstanın L.N. Gumilyov adına Milli Avrasiya Universitetinin Filologiya fakültəsinin “Xarici dillər” kafedrasının təşkilatçılığı ilə keçirilən V Beynəlxalq Gumilyov onlayn İngilis Dili Olimpiadasında təmsil olunub. “Müasir əmək bazarı və peşələrin gələcəyi” mövzusuna həsr olunmuş olimpiadada təşkilatçı Avrasiya Milli Universitetinin tələbələri ilə yanaşı, Qazaxıstan, Azərbaycan, Türkiyə, Rusiya və Qırğızıstanın ali təhsil müəssisələrindən ümumilikdə 155 tələbə iştirak edib. 2 mərhələdən ibarət olan olimpiadanın 1-ci turunda iştirakçıların dinləmə və leksik-qrammatik testlər üzrə dil bilik və bacarıqları qiymətləndirilib. Bu mərhələni uğurla tamamlayan iştirakçılar 2-ci mərhələdə “Müasir əmək bazarı və peşələrin gələcəyi” mövzusu üzrə təqdimatla çıxış ediblər. DGKA-nın tədrisi ingilis dilində olan İnformasiya texnologiyaları ixtisasının I kurs tələbəsi Fatimə Zeynalova olimpiadada uğur qazanaraq 155 iştirakçı arasında 2-ci yerə layiq görülüb və diplomla təltif olunub. Qeyd edək ki, tələbəmizin olimpiadada uğurlu iştirakının koordinasiyasını ingilis dilini tədris edən Akademiyanın “Hüquq və humanitar elmlər” kafedrasının müəllimi Tairə Axundova təmin edib.

28.04.2025
DGKA “Peşəkar Mükəmməlliyə Sadiqlik” beynəlxalq sertifikatı ilə təltif olunub
Dövlət Gömrük Komitəsinin Akademiyası (DGKA) peşəkarlıq təhsili və təlimi sahəsində beynəlxalq səviyyədə daha bir uğura imza atıb. Akademiya Avropa Təlim Fondu (ATF) tərəfindən “Peşəkar Mükəmməlliyə Sadiqlik” beynəlxalq sertifikatı ilə təltif olunub. Bu mükafat Avropa İttifaqının dəstəyi ilə ATF tərəfindən həyata keçirilən “Peşə Mükəmməlliyinin Beynəlmiləlləşdirilməsi” (IntVE) layihəsi çərçivəsində aparılmış işlər nəticəsində təqdim edilib. Belə ki, Akademiyanın beynəlxalq əməkdaşlıq və layihələr üzrə koordinatoru Elvin Mecidov ötən ilin sentyabr ayında ATF tərəfindən elan edilən beynəlxalq müsabiqə prosesində seçilərək, cari ilin fevral ayında Sloveniyanın Nova Qoritsa şəhərində keçirilmiş “Beynəlxalq Peşəkar Mükəmməllik üzrə Qış Təlim Kampı”nda iştirak etmişdir. Təlim proqramı çərçivəsində o, “Peşəkar Mükəmməllik Mərkəzləri üçün Beynəlxalq Özünüqiymətləndirmə Aləti” (ISATCOVE – International Self-Assessment Tool for Centres of Vocational Excellence) əsasında DGKA üçün 238 kriteriyadan ibarət analitik qiymətləndirmə sorğusunu tərtib edib və onlayn qiymətləndirmə prosesini təşkil etmişdir. Bu prosesə DGKA-nın bir neçə əməkdaşından ibarət komanda da cəlb olunmuş və sorğuda fəal iştirak etmişdir. Sloveniyada keçirilən təlimlərdən əldə olunan biliklər əsasında Elvin Məcidov tərəfindən hazırlanan DGKA-nın Mükəmməllik Mərkəzi İnkişaf Planı ATF tərəfindən yüksək qiymətləndirilərək qəbul edilmişdir. Bu uğurlu proses nəticəsində DGKA 2025-ci ildə “Peşəkar Mükəmməlliyə Sadiqlik” beynəlxalq sertifikatına layiq görülüb, qiymətləndirmədə iştirak edən əməkdaşlar isə ATF tərəfindən 11 fərdi sertifikat və rəqəmsal nişanla təltif olunublar.Qeyd edək ki, DGKA ATF tərəfindən sertifikatla təltif olunmuş Azərbaycandakı ilk ali təhsil müəssisəsi və dövlət qurumu, həmçinin ÜGT-nin Regional Təlim Mərkəzləri arasında bu uğura imza atan ilk qurumdur. Bu nailiyyət, Akademiyanın peşəkar mükəmməllik istiqamətində beynəlxalq standartlara uyğun inkişaf etdiyinin göstəricisidir.

25.04.2025

Elanlar

Bütün elanlar

Avqust 28
Dövlət Gömrük Komitəsinin Akademiyasına qəbul olunmuş abituriyentlərin nəzərinə!
Avqust 23
DGKA-da təkrar ali təhsil almaq üçün sənəd qəbulunun vaxtı uzadıldı
Avqust 19
DGKA-nın məzunlarının xidmətə qəbulu ilə əlaqədar müsabiqə keçiriləcək

Əməkdaşlıq

Elm öyrənmək heç vaxt gec deyil.

İbn Sina

Növbəti tədbirlər

Bütün tədbirlər

Sözlük

Normativ sənəd -- Malların (işlərin, xidmətlərin) keyfiyyətinə və təhlükəsizliyinə Azərbaycan Respublikası qanunvericiliyinə uyğun məcburi tələbləri müəyyənləşdirən dövlət standartları, farmakoloji, sanitariya və tikinti normaları, qaydaları və digər sənədlər.

Qalereya

Bütün şəkillər

gallery1
gallery2
gallery3
gallery4
gallery5
gallery6
gallery7
gallery8

Faydalı keçidlər