Dövlət Gömrük Komitəsinin Akademiyasının “İqtisadiyyat” ixtisası üzrə 3-cü kurs tələbəsi Mənsurə Abdullayevanın və "Hüquqşünaslıq” ixtisası üzrə 3-cü kurs tələbəsi Sübhan Qarayevin "Rəqəmsal iqtisadiyyatın hüquqi aspektləri və müasir idarəetməsi" və "Rəqəmsal iqtisadiyyat: 30 illik transformasiya, rəqəmsal iqtisadiyyatın informasiya texnologiyaları" adlı məqalələri beynəlxalq konfransın materiallarının dərc olunduğu "Elmi əsərlər" jurnalında çap edilib.

Xatırladaq ki, Mənsurə Abdullayeva və Sübhan Qarayev bu məqalələrini 16 dekabr 2021-ci il tarixlərində Rusiya Federasiyasının Prezidenti yanında Rusiya Milli İqtisadiyyat və Dövlət İdarəçiliyi Akademiyasının (RANEPA) Şimal-Qərb İdarəetmə İnstitutu (NWIM) tərəfindən keçirilmiş XIV Beynəlxalq Elmi-Praktik Konfransa təqdim etmişdirlər. İngilis dilində təqdim olunan məqalələr xüsusi dəyərləndirilərək konfransın materiallarının dərc olunduğu "Elmi əsərlər" jurnalı üçün qəbul edilmişdir.