ATGTİ və TGT-lərin uzunmüddətli dayanıqlı inkişaf strategiyasının müəyyən olunması, inkişaf üçün düzgün planlama aparılmasına dəstək olmaq məqsədilə keçirilən forumda Dövlət Gömrük Komitəsinin Akademiyasının tələbələri də iştirak ediblər.

Ölkənin aparıcı təhsil müəssisələrinin təmsil olunduğu tədbirdə 2021-ci il ərzində öz fəaliyyətləri ilə seçilən Tələbə Gənclər Təşkilatlarının, Tələbə Gənclər Təşkilatlarının sədrlərinin, aktiv üzvlərinin və fəal tələbələrin mükafatlandırılması mərasimi keçirilib. Forum çərçivəsində Dövlət Gömrük Komitəsinin Akademiyasının Tələbə Gənclər Təşkilatının sədri Fizzə İsmayılova 2021-ci ildə ölkədə sosial və mədəni əhəmiyyətli, o cümlədən könüllü fəaliyyətin həyata keçirilməsində fəal iştirakına görə Azərbaycan Tələbə Gənclər Təşkilatları İttifaqı tərəfindən fəxri fərmanla təltif edilib.