Dövlət Gömrük Komitəsinin Akademiyasında Ümummilli lider Heydər Əliyevin 100 illik yubileyinə həsr olunmuş şahmat turniri keçirilib. TGT-nin təşkilatçılığı ilə keçirilən yarışda Akademiyanın müxtəlif ixtisaslarında təhsil alan tələbələr iştirak ediblər.

İsveçrə sisteminə əsasən keçirilən yarış 7 turdan ibarət olub. Ümumilikdə 21 tələbə arasında keçirilən yarışın nəticələrinə əsasən Akademiyanın Hüquqşünaslıq ixtisasının 2-ci kurs tələbəsi Ayhan Zeynalov I yerə, Beynəlxalq ticarət və logistika ixtisasının 2-ci kurs tələbəsi Ramil Cəfərov və Hüquqşünaslıq ixtisasının 3-cü kurs tələbəsi Elnur Əzizov II və III yerlərə layiq görülüblər.

Sonda şahmat turnirin qalibləri kubok və sertifikatlarla mükafatlandırılıb.